Powered by Cabanova
Jahresbericht von der Präsidentin Jahresbericht vo Saison 2010/2011 Min Rückblick ufs vergange Jahr. Wie alli Jahr beändet mir euisi Saison mit dä GV. Sie isch am 5. Juni gsih und wie immer relativ schnäll und nachher uh gmütlich bis spat ih Nacht beziehigswies morge. Am 8. September simmer is Riverside in Zweidle go Bowlingspiele. Dä Eric Blum und dä Matthias Bieber sind euisi Spielergäst gsih. Es isch en mega Coole Abig gsih. Bowling hät Tanja Bolliger gwunne und isch die Ersti wo dä Neui Pokal hät dörfe mit hei näh. Nur grad 3 Täg spöter hämmer euise ersti Uswärtsmatsch gah. Mir sind mit 29 Personen zerscht uf Solothurn gfahre. Dett hämmer en mega Stress gah das mir euises Schiff für Aahrefahrt no verwütscht händ. Die Fahrt uf Biel isch dä Hammer gsih. Das Wätter, das Ässä die ruhgi Fahrt, die Stimmisch isch eifach mega schön gsih. Nätürlich simmer dän nach däre schöne Schifffahrt no go dä Matsch go luegä und hät euise schöni Tag no mit ähmä Sieg abgrundet. Klote hät 5-1 gägä Biel gwunne. Dä nöchsti Ahlass hämmer dän im Dezember gah und zwar am 4. Dezember. Mir sind uf Ambri. Dä Ahlass händ Supporter organisiert. Zerst simmer fein go Zmittag ässä in Faido und nachhar no go d Festig Forte di Airolo go ahluegä. Es isch no interessant gsih wie das so frühner gsoh isch ich sonere Festig. Nachhär hämmern no die Obligatie Weindegustation bim Zamberlani in Piotta gah. Nätürlich simmer dän au no dä Matsch go luegä im Tiefkühlschrank Valacia. Klote hät 2-1 gwunne. Es grosses Dankeschön gaht an Roger, Misch und Miriam für Organisiere. Vor dä weihnachte isch dän scho festgstande das Flyers für Playoff qualifiziert sind. Im Januar genau gseit am 16. Händ d Supporter dä Brunch im Alpenrockhaus organisiert. Am 5. Februar simmer uf Bärn Als erst simmer is Bundeshuss. Nach dä grosse Eingangkontrolle mit ID abgäh und dur dä Scanner laufe und Täsche Jacke etc. wegbschlüsse simmer dänn uf d Führig. Es isch no spannend gsih mal die verschiedene Sääl, wo euisi Nationalrät und Ständerrät ihri Zittigä lässät und Ihri Zit absitztet mal Live gseh. Nach däm Interessante Bsuch simmer dänn Ih dä Altstadt go znacht ässä und dänn Nachhär no Niederlag vo Klote go lugä. Bärn hät dä Matsch mit 6-1 gwunne. Danke ans Supporterteam für Organisiere. Grad mal 6 Täg spöter hämmer euise Raclettabig gah im Spitz Kloten. Danke ah alli wo cho sind,es isch wie immer lässig mit Eui. Am 26. Februar sind dänn Playoffs los gange. Üse gägner isch dä ZSC gsih. Bin ich froh gsih wo Kloten nach 5 Spiel die Jungs vo Züri id Ferie gschickt händ. Nach es paar Täg Pause sind dän Bärner cho. Es isch kei schlächti Serie gsih, Kloten het eifach nach dä 3-0 führig sölle dä Sack zutue. Aber nei sie händ lieber Närve vo dä Fans strapaziert, und 7 Spiel brucht damit die Bärner id Ferie händ müssä. 2 Täg spöter isch dän au grad dä Final los gange gäge die Usgruhte Davoser. Klote hät vo ahfang ah kämpft und händ ihres besste Hockey gspielt. Aber doch nach 3 Spiel isch immer Davos als Sieger vom Eis gange. Aber ich han hoffnig nöd ufgäh und sie sind doch no ahnes 3-2 anecho. Nur no 2 Sieg und dä Chübel ghört Klote. Aber leider isch dä 12. April kein Kloteabig gsih und Davoser sind wieder ih dä Kolping Meister worde. Vo luter Final han ich fascht vergässä das mir am 3. April no euise Fonduabig gah händ in Regensdorf, Danke dä Familie Vonarburg für Ihri Arbeit. So hämmer äh mega gmütliche Abig gah mit viele feine Sache. 4 Täg nach dem letzte Spiel isch dän no euise Spaghettiplausch gsih. Es sind 36 Persone däbi gsih und händ Spaghetti mit dännä feine Sauce gnossä. Am 26. April sind mir vom Vorstand is Rollis Steakhaus in Klote und händ es feins Vorstandsässä gnosse. So das wäre min Jahresbericht vo dä Saison 10/11. Ich möchte mich no ganz härzlich bi mine Vorstandsgspändli bedanke für Ihri Unterstützig ganze Jahr. Natürlich au euisem Koch ähm Werni für Koche grilliere Käseabstriche und sini Mithilf. Und eui Liebe Mitglieder das ihr immer so Zahlrich ah euis Ahläss chömmet. Ich wünsche allne ähn schöne und guet Summer und bis nöchsti Saison 11/12 Eui Präsidentin Barbara
- Homepage
- Geburtstag
- Anlässe
- Gästebuch
- Vorstand
- Spielplan
- Fotos
- Jahresbericht
- GV Protokoll 2011
- Statuten
- Kontakt
- Geschichte
- Zum Gedenken an Rolf
- Links